Бібліятэкар, перадавік сацыяльна-культурнай сферы Гродзеншчыны. Нарадзілася   24.06.1926 г. у  в.Цвёрдава     Быхаўскага     раёна  Магілёўскай вобласці. У 1947 г. закончыла  культмасавае  аддзяленне  Магілёўскага культасвет вучылішча імя Крупскай, пасля заканчэння   працавала   загадчыцай   бібліятэкі   ў Навагрудку.  У 1964 г.,  пасля  пераезду  ў Ашмяны, узначаліла  Ашмянскую раённую   бібліятэку.  Пад   кіраўніцтвам  Ганны Мікалаеўны  ў бібліятэцы была праведзена вялікая работа па ўдасканальванні абслугоўвання насельніцтва кнігай: створаны каталогі і картатэкі, закласіфікаваны кніжны фонд.

За асабісты ўклад у развіццё бібліятэчнай справы, за поспехі, дасягнутыя Ашмянскай раённай бібліятэкай у ходзе Усесаюзнага агляду бібліятэк насустрач 50-годдзю Савецкай улады, Каляда Ганна Мікалаеўна была ўзнагароджана Ганаровай граматай Міністэрства культуры СССР і ЦК прафсаюза работнікаў культуры (1967). Шматгадовая прафесійная дзейнасць А.М.Каляды неаднойчы адзначалася шматлікімі Ганаровымі граматамі  рознага ўзроўню. У 1968 г. у складзе дэлегацыі ад Гродзенскай вобласці пабывала на выставе дасягненняў народнай гаспадаркі (ВДНГ) у Маскве.

У 1976 г. пад яе кіраўніцтвам была праведзена цэнтралізацыя бібліятэчных устаноў у адзіную раённую цэнтралізаваную бібліятэчную сістэму (РЦБС), якую Г.М.Каляда ўзначальвала да 1981 г.

Пасля выхаду на пенсію працягвала працаваць  у калектыве бібліятэкі да 2002 г.

Бібліяграфія:

1. Каляда Ганна Мікалаеўна// З гісторыі бібліятэчнай справы Ашмяншчыны: падзеі, людзі, факты / склад. Г.У.Палубінская. – Ашмяны, 2012. – С.17-19.

2. Каляда Ганна Мікалаеўна // Краязнаўчы каляндар Ашмяншчыны на 2021 год / склад. Г.У. Палубінская. – Ашмяны, 2020. – С. 26.

3. Силина, Е. На заслуженный отдых / Е. Силина // Красное знамя. – 1981. – 8 сентября. – С. 3.

О директоре Ошмянской централизованной  библиотечной системы  А. Н. Коляде.